وزیرستان میں سیکیورٹی فورسز کی فائرنگ سے کوئی شخص ہلاک نہیں ہوا آئی ایس پی آر

وائس آف امریکا دیوا ریڈیو نے اپنی غلط اور من گھڑت رپورٹنگ کی روایت برقرار رکھی ہے، آصف غفور (فوٹو: فائل)

---

ڈی جی آئی ایس پی آر میجر جنرل آصف غفور نے کہا ہے کہ وزیرستان میں سیکیورٹی فورسز کے ہاتھوں کوئی شخص ہلاک یا زخمی نہیں ہوا اس حوالے سے 'وائس آف امریکا دیوا' کی رپورٹنگ حقائق پر مبنی نہیں۔

While an inquiry has been ordered to ascertain facts, no assurance given for any court martial. No one was killed/injured by Forces. @voadeewa keeps up its tradition of false reporting. People of Waziristan are peace loving and value the attained peace. pic.twitter.com/JV5SypbFnl

— DG ISPR (@OfficialDGISPR) August 26, 2018

ایکسپریس نیوز کے مطابق وزیرستان میں سیکیورٹی فورسز کی جانب سے مبینہ فائرنگ سے نوجوان کی ہلاکت کے معاملے پر ڈی جی آئی ایس پی آر نے اپنے ٹوئٹ میں کہا ہے کہ وزیرستان میں سیکیورٹی فورسز کی فائرنگ سے کوئی بھی شخص ہلاک یا زخمی نہیں ہوا اور نہ کسی افسر کے کورٹ مارشل کی یقین دہانی کرائی گئی تاہم حقائق جاننے کے لیے تحقیقات کا حکم دے دیا گیا ہے۔

میجر جنرل آصف غفور نے مزید کہا کہ وائس آف امریکا دیوا ریڈیو نے اپنی غلط اور من گھڑت رپورٹنگ کی روایت برقرار رکھی ہے، وزیرستان کے عوام امن پسند ہیں اور حاصل شدہ امن کی اہمیت جانتے ہیں۔