قائداعظم کے قریبی ساتھی سید احمد سعید کرمانی انتقال کرگئے

مرحوم کی عمر95 سال تھی: فوٹو : فائل

---

مسلم لیگ (ن) کے رہنما سینیٹر آصف کرمانی کے والد، تحریک پاکستان کے کارکن، قائد اعظم کے قریبی ساتھی بزرگ مسلم لیگی سید احمد سعید کرمانی ایڈووکیٹ انتقال کر گئے۔

مرحوم کی عمر95 سال تھی، طویل عرصے سے علیل تھے، سابق وزیر، سفیر اور لاہور ہائی کورٹ بار کے صدر بھی رہے، علاوہ ازیں قائم مقام صدر اور چیئرمین سینیٹ صادق سنجرانی نے احمد سعید کرمانی کی وفات پر تعزیت کرتے ہوئے گہرے دکھ اور افسوس کا اظہار کیا ہے۔

قائم مقام صدر نے غمزدہ خاندان سے دکھ کی اس گھڑی میں یکجہتی کا اظہار کیا اور دعا کی کہ اللہ تعالیٰ مرحوم کو جنت میں اعلیٰ مقام عطا فرمائے اور غمزدہ خاندان کو یہ صدمہ برداشت کرنے کی توفیق عطا فرمائے، قائم مقام چیئرمین سینیٹ سلیم ایچ مانڈوی والا، سینیٹ میں قائد ایوان سینیٹر شبلی فراز اور قائد حزب اختلاف راجا ظفر الحق نے بھی سینیٹر آصف کرمانی سے دکھ اور افسوس کا اظہار کیا اور مرحوم کیلیے مغفرت کی دعا کی۔