جان مکین پاکستان کے دوست اور پاک امریکا کے درمیان اچھے تعلقات کے حامی تھے، آرمی چیف۔ فوٹو: فائل
ترجمان پاک فوج کی جانب سے جاری بیان کے مطابق آرمی چیف جنرل قمر جاوید باجوہ نے امریکی سینیٹر جان مکین کے انتقال پر افسوس کا اظہار کیا اور ان کے اہل خانہ سے اظہار تعزیت کی۔
COAS conveys condolences to bereaved family of deceased Sen. John McCain. “McCain was a distinguished war veteran and an accomplished representative of his country. A friend of Pakistan who believed in great potential of Pak-US relations for common good of both countries”, COAS.
— DG ISPR (@OfficialDGISPR) August 27, 2018
اپنے پیغام میں آرمی چیف جنرل قمر جاوید باجوہ کا کہنا تھا کہ جان مکین جنگی ہیرو تھے انہوں نے عالمی سطح پر اپنے ملک کی بھرپور نمائندگی کی جب کہ جان مکین پاکستان کے دوست اور پاک امریکا کے درمیان اچھے تعلقات کے حامی تھے۔
اس خبر کو بھی پڑھیں : امریکی سینیٹر جان مکین 81 برس کی عمر میں انتقال کر گئے
واضح رہے کہ گزشتہ روز امریکی سینیٹر جان مکین 81 برس کی عمر میں انتقال کر گئے تھے، امریکی میڈیا کے مطابق سینیٹر جان مکین دماغ کے کینسر میں مبتلا تھے جب کہ جان مکین نے گزشتہ روز معالج کو اپنا علاج کرنے سے روک دیا تھا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔