نوازشریف سے بھارتی ہائی کمشنرشرت سبھروال اور امریکی سفیررچرڈ اولسن کی ملاقات

ملاقات کے دوران خطے کی صورت حال اورباہمی دلچسپی کے امور پر تبادلہ خیال کیا گیا، فوٹو:فائل

---

مسلم لیگ (ن) کے صدر نواز شریف سے بھارتی ہائی کمشنرشرت سبھروال اور امریکی سفیر رچرڈ اولسن نے ملاقات کی جس میں خطے کی صورت حال اور باہمی دلچسپی کے امور پر تبادلہ خیال کیا گیا۔

رائے ونڈ جاتی عمرہ میں مسلم لیگ (ن) کےصدر نواز شریف سے بھارتی ہائی کمشنر شرت سبھروال نے ملاقات جس میں انہوں نے نواز شریف کو الیکشن میں کامیابی پر مبارکباد دی اور بھارتی حکومت کی جانب سے نیک خواہشات کا پیغام پہنچایا، ملاقات میں باہمی دلچسپی کے امور اور سیاسی صورت حال پر بھی گفتگو ہوئی، دوسری جانب امریکی سفیر رچرڈ اولسن نے بھی نوازشریف سے ملاقات کرکے انہیں انتخابات میں کامیابی پرمبارکباد دی ،اس دوران خطے کی صورت حال اور پاک امریکا تعلقات سے حوالے سے بھی تبادلہ خیال کیا گیا، ملاقات میں شہباز شریف اور اسحاق ڈار بھی موجود تھے۔