غیر ملکی کرکٹ ٹیموں کو پاکستان ميں لانے کے لیے سابق کرکٹرز کو آگے آنا ہوگا ، مشتاق احمد فوٹو: فائل
پشاور میں زلمی مدرسہ کرکٹ لیگ کی افتتاحی تقریب کے موقع پر میڈیا سے بات چیت کرتے ہوئے مشتاق احمد نے کہا کہ ملک میں بین الاقوامی کرکٹ پی ایس ایل ہی واپس لائے گی، پی ایس ایل کی کامیابی میں پی سی بی کے ساتھ ساتھ فرنچائزز کا بھی ہاتھ ہے، یہی فرنچائز غیر ملکی کھلاڑیوں کو واپس لانے میں کامیاب ہوئے۔
سابق کرکٹر نے کہا کہ وہ دن دور نہیں جب پورے پاکستان میں غیر ملکی کرکٹ میچوں کا انعقاد ہوگا، غیر ملکی کرکٹ ٹیموں کو پاکستان ميں لانے کے لیے سابق کرکٹرز کو آگے آنا ہوگا جو سفیر بن کر غیر ملکی ٹیموں کو پاکستان آکر کھیلنے کے لیے راضی کریں۔
اس خبر کو بھی پڑھیں : شاہد آفریدی نے ''بوم بوم'' کا خطاب دینے والے کھلاڑی کا نام بتادیا
مشتاق احمد نے کہا کہ احسان مانی کا کرکٹ کے حوالے سے کافی تجربہ ہے امید ہے کرکٹ میں بھی تبدیلی آئے گی۔ وزیراعظم عمران خان ایک اسپورٹس مین ہے اور وہ ملک میں کھیلوں کے لیے جو پالیسی لارہے ہیں اس حوالے سے مثبت سوچ رکھیں اور حکومتی پالیسی کو سپورٹ کریں۔ پی ایس ایل میں کرپشن کی باتوں اور پی سی بی کے بجٹ کے آڈٹ کے حوالے سے ان کا کہنا تھا کہ احتساب اچھی بات ہے سب کا احتساب ہونا چاہیے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔