سیکیورٹی دی جائے تو مقدمات کا سامنا کرنے کو تیار ہوں پرویزمشرف

پرویزمشرف نے وطن واپسی کے لئے وکلا سے مشاورت شروع کردی، ذرائع ۔ فوٹو:فائل

---

سابق صدر پرویز مشرف کا کہنا ہے کہ عدالتوں میں مقدمات کا سامنا کرنے کو تیار ہوں لیکن سیکیورٹی فراہم کرنا اداروں کی ذمہ داری ہے۔

ایکسپریس نیوزکے مطابق سابق صدر پرویز مشرف نے وطن واپسی اور عدالتوں میں کیسوں کا سامنا کرنے پرغور شروع کر دیا ہے اور اس حوالے سے سابق صدر نے لندن میں ایڈووکیٹ سپریم کورٹ اختر شاہ سے ملاقات بھی کی ہے۔

اس خبرکوبھی پڑھیں: پرویز مشرف غداری کیس کے پراسیکیوٹر اکرم شیخ مستعفی

ذرائع کے مطابق وطن واپسی کے لئے مشاورت پر پرویز مشرف کے وکلا نے انہیں سیکیورٹی کی یقین دہانی کے بغیر وطن واپسی سے روک دیا ہے۔ پرویز مشرف نے اپنے وکلا کو ہدایت کی ہے کہ وہ مقدمات کی پیروی کے لئے عدالتوں میں زیر سماعت کیسز کی مکمل تفصیلات حاصل کرلیں۔ ان کا کہنا تھا کہ عدالتوں میں مقدمات کا سامنا کرنے کو تیار ہوں، سیکیورٹی فراہم کرنا اداروں کی ذمہ داری ہے۔