وزیرخارجہ نے گستاخانہ خاکوں کا معاملہ ہالینڈ کی حکومت کے سامنے اٹھادیا

حکومت بوکھلاہٹ کا شکار ہے کیونکہ وہ جےآئی ٹی میں مناسب جواب نہیں دے پا رہی، شاہ محمود قریشی فوٹو: فائ

---

وزیرخارجہ شاہ محمود قریشی نے ہالینڈ کے وزیرخارجہ سے رابطہ کرکے گستاخانہ خاکوں کا معاملہ اٹھایا ہے۔

ترجمان دفتر خارجہ ڈاکٹرمحمد فیصل کے مطابق وزیرخارجہ شاہ محمود قریشی نے ڈچ ہم منصب سے رابطہ کرکے گستاخانہ خاکوں کے مقابلے پر مسلمانوں کے جذبات سے آگاہ کیا۔

FM Shah Mehmood Qureshi raised the issue of blasphemous event with the Dutch FM. FM underscored that the abominable act of the Dutch Parliamentarian was provoking and hurt the sentiments of Muslims across the world. Such acts spread hate and intolerance.

— Ministry of Foreign Affairs - Pakistan (@ForeignOfficePk) August 28, 2018

شاہ محمود قریشی نے کہا کہ ڈچ پارلیمان کی جانب سے ایسےاقدامات سے دنیا کے تمام مسلمانوں کے جذبات مجروح ہوں گے جب کہ نفرت اور عدم برداشت کوتقویت ملے گی۔

یہ بھی پڑھیں: گستاخانہ خاکوں کے مقابلے مسلمانوں کی اجتماعی ناکامی ہیں، وزیراعظم

گستاخانہ خاکوں کے مقابلوں پر پاکستان پہلے ہی ملک میں متعین ہالینڈ کے ناظم الامور کو دفترخارجہ طلب کرکے سفارتی سطح پر احتجاج ریکارڈ کراچکا ہے جب کہ وزیراعظم عمران خان نے گزشتہ روز سینیٹ اجلاس میں اظہارخیال کرتے ہوئے گستاخانہ خاکوں کا معاملہ اقوام متحدہ میں اٹھانے کا اعلان کیا تھا۔

دوسری جانب اسلام آباد میں نیوز کانفرنس کرتے ہوئے وزیر خارجہ شاہ محمود قریشی کا کہنا تھا کہ گستاخانہ خاکوں کے حوالے سے ہالینڈ کے وزیر خارجہ نے کہا کہ یہ ایک انفرادی فعل ہے، گستاخانہ مواد سے ہماری حکومت کا تعلق نہیں تاہم کل سینیٹ میں گستاخانہ خاکوں کے خلاف وزیراعظم تشریف لائے اور اس حوالے سے متفقہ قرارداد بھی پاس کی گئی۔

شاہ محمود قریشی کا کہنا تھا کہ قرارداد منظور ہونے کے بعد او آئی سی کے سیکریٹری جنرل کو خط لکھ کر او آئی سی کا ہنگامی اجلاس طلب کرنے کا مطالبہ کیا جب کہ نیویارک میں کونسل آف فارن منسٹرزکے فورم پربھی معاملہ اُٹھاؤں گا۔

وزیرخارجہ کا مزید کہنا تھا کہ ایوان میں حکومتی مؤقف سامنے رکھا جب کہ اقلیتی ارکان نے بھی گستاخانہ خاکوں کے خلاف ہمارے ساتھ آواز اٹھائی اور ہمارے مؤقف کی حمایت کی کیوں کہ گستاخانہ مواد کے حوالے سے ہم سب کا موقف ایک ہے۔ انہوں نے کہا کہ فیصلہ کیا ہے اس مسئلے پر یک زباں ہو کرہی صحیح طریقے سے مؤقف اپنایا جاسکتا ہے، میں تمام علما و مشائخ کو بتانا چاہتا ہوں کہ ہم ان کے جذبات سے آگاہ ہیں۔