منشیات فروشی کے الزام میں ڈی ایس پی سی آئی اے امداد سولنگی سمیت 4 پولیس افسران پر مقدمہ درج فوٹو:سوشل میڈیا
بدین میں ایس ایس پی سردار خان نیازی نے انسداد منشیات فروشی کی مہم کے تحت سی آئی اے پولیس سنٹر پر چھاپا مارا اور لاکھوں روپے کا گٹکا اور نشہ آور اشیا برآمد کرلیں۔ پولیس نے منشیات فروشی کے الزام میں ڈی ایس پی سی آئی اے امداد سولنگی اور سب انسپکٹر محمد کلوئی سمیت 4 پولیس افسران کیخلاف مقدمہ درج کرلیا۔
https://twitter.com/AKMujadidi/status/1034620214929846272
امداد سولنگی فرار ہونے میں کامیاب ہوگیا جب کہ دو پولیس اہلکاروں قمرالدین بوہڑ اور قادر بخش کو گرفتار کرلیا گیا۔ پولیس ترجمان کے مطابق چھاپے کے دوران چھ لاکھ روپے سے زائد مالیت کے 65 ہزار مضر صحت گٹکے برآمد ہوئے۔
سی آئی اے انچارج ڈی ایس پی امداد سولنگی کی سرپرستی میں گٹکے کا کاروبار ہوتا تھا۔ سب انسپکٹر محمد خان کلوئی کے گھر پر گٹکا ذخیرہ کیا جاتا تھا اور دلدار الیاس کے ذریعے مارکیٹ میں فروخت ہوتا تھا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔