ہمیں بدامنی کے مکمل خاتمے کو یقینی بنانا ہوگا سربراہ پاک فوج

آرمی چیف کا وانا میں شمالی و جنوبی وزیرستان کے عمائدین کے مشترکہ جرگے سے خطاب،فوٹو: آئی ایس پی آر

---

آرمی چیف جنرل قمر جاوید باجوہ نے کہا ہے کہ ہمیں بدامنی کے مکمل خاتمے کو یقینی بنانا ہوگا اس لیے سب کو مل کر انتشار واپس آنے سے روکنا ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے جنوبی وزیرستان کا دورہ کیا جہاں آرمی چیف کو پاک افغان بارڈر پر باڑ لگانے کے حوالے سے بریفنگ دی گئی۔آرمی چیف کو آپریشنز، ترقیاتی منصوبوں اور امن وامان کے بارے میں تفصیل سے آگاہ کیا گیا جس پر جنرل قمر باجوہ نے کام کی رفتار اور معیار پر اطمینان کا اظہار کیا۔

COAS visited South Waziristan. Briefed about stabilisation operations and progress of fencing along Pak-Afg Border in Waziristan at Angoor Adda. COAS appreciated quality and speed of work. pic.twitter.com/3gsYcS2hSK

— DG ISPR (@OfficialDGISPR) August 29, 2018

بعدازاں آرمی چیف نے وانا میں شمالی و جنوبی وزیرستان کے عمائدین کے مشترکہ جرگے سے خطاب کرتے ہوئے سیکیورٹی فورسز کی حمایت اور تعاون پر قبائلی عمائدین کا شکریہ ادا کیا۔

جنرل قمر جاوید باوجوہ نے کہا کہ پاک افغان سرحد کے علاقوں میں آپریشنز جاری رہیں گے اور سرحد کے ساتھ باڑ لگانے کا کام بھی تیزی سے جاری رہے گا۔ انہوں نے کہا کہ دہشتگردی اور ترقیاتی کام ساتھ ساتھ نہیں چل سکتے، ہمیں بدامنی کے مکمل خاتمے کو یقینی بنانا ہوگا اور مقامی آبادی اس حوالے سے اپنی توجہ مرکوز رکھے۔

پاک فوج کے سپہ سالار کا کہنا تھا کہ امن بڑے پیمانے پربحال ہوچکاہے جب کہ بحالی اورترقیاتی کوششوں پرمبنی آپریشنزجاری رہتے ہیں، سماجی و معاشی ترقی کی رفتار بھی بڑھتی جارہی ہے، ان علاقوں کے لوگ امن و استحکام کے ماحول کا دشمن قوتوں سے تحفظ کرے۔

COAS addressed combined Jirga of elders from North and South Waziristan. “Terrorism and development can’t go together therefore collectively we have to make sure that unrest doesn’t return”, COAS. pic.twitter.com/OYZwwqiSZZ

— DG ISPR (@OfficialDGISPR) August 29, 2018