مصری فوج نے مغربی صحرا اور جزیرہ نما سینا میں مختلف کارروائیوں میں مزید20 انتہا پسندوں کو ہلاک کردیا۔

العربیہ ٹی وی کے مطابق فوج نے اپنے ایک بیان میں کہا ہے کہ لیبیا کی سرحد کے ساتھ واقع علاقے میں گزشتہ چند روز کے دوران کارروائیوں میں 7 انتہائی خطرناک جنگجو مارے گئے ہیں جبکہ سینا کے شمالی اور وسطی علاقوں میں فوج کی چھاپہ مار کارروائیوں اور فائرنگ کے تبادلے میں 13جنگجو ہلاک ہوگئے۔

سیکیورٹی فورسز نے جھڑپ کے بعد سینا میں کی گئی کارروائیوں میں 18 مطلوب مشتبہ جنگجوؤں کو بھی گرفتار کر لیا۔