ماش کی دال کے میٹھے دہی بڑے

دہی بڑوں پرچاٹ مصالحہ اور میٹھی چٹنی ڈالیئے اور نوش فرمائیے۔ فوٹو: فائل

---

بیسن کے دہی بڑے تو سب ہی بناتے اورکھاتے ہیں اس بار آپ ماش کی دال کے میٹھے دہی بڑے بنایئے اور منفرد ذائقے کا مزہ لیجیئے۔

اجزا:

ماش کی دال: ایک پیالی
پسی ہوئی ادرک: آدھا چائے کا چمچ
میٹھا سوڈا: چٹکی بھر
تیل: حسب ضرورت
دہی: ڈیڑھ پاؤ
نمک :حسبِ ذائقہ
چینی :6 کھانے کے چمچ
کارن فلور: ایک کھانے کا چمچ

ترکیب:

دال کودوگھنٹے کے لیے بھگو کراچھی طرح گرائنڈرمیں گاڑھا پیسٹ بنالیں۔ پیسٹ میں ادرک اورمیٹھا سوڈا شامل کرکے اچھی طرح پھینٹ لیں۔ اب تیل گرم کرکے چمچے کی مدد سے چھوٹی چھوٹی بوندیاں بناکرنیم گرم پانی میں کچھ دیربھگو کر نچوڑ لیں۔

دہی میں باقی تمام چیزیں ملاکراچھی طرح پھینٹ لیں اوردہی بڑوں پرپھیلا دیں پھر اس میں چاٹ مصالحہ اور میٹھی چٹنی ڈالیئے اور نوش فرمائیے۔