فاروق ستارجنوبی صوبہ تحریک شروع کر نے پرغور کرر ہے ہیں، ذرائع: فوٹو: فائل
ذرائع کے مطابق ایم کیوایم کی مرکزی قیادت نے پارٹی کے سابق کنونیئر فاروق ستار کو نظر اندار کرنے کی پالیسی اپناتے ہوئے انہیں اہمیت دینا چھوڑ دی ہے جس کا عملی نمونہ آج متحدہ قیادت کی وزیراعظم عمران خان سے اسلام آباد میں ملاقات کی صورت میں دیکھنے کو ملا جس میں فاروق ستار کو مدعو نہیں کیاگیا۔
ایم کیوایم کی حالیہ دنوں میں مختلف سیاسی جماعتوں کے رہنماؤں سے ملاقات میں بھی فا روق ستار شامل نہیں تھے۔
پارلیمانی محاز پر ہمیشہ پارٹی کی طرف سے متحرک کردار ادا کرنے والے فاروق ستار کو پارٹی نے پالیمانی سیاست سے بھی الگ کردیا ہے،عام انتخابات میں شکست کے بعد پارٹی نے فاروق ستار کو ضمنی الیکشن نہ لڑانے کا فیصلہ کیا ہے۔
یہ بھی پڑھیں: کراچی میں فاروق ستار پر خواتین برس پڑیں، سیاست چمکانے کا الزام
ذرائع نے بتایا کہ پارٹی کی جانب سے نظراندازکیے جانے پرفاروق ستار صوبہ تحریک شروع کر نے پرغور کرر ہے ہیں اور اس ضمن میں وہ اپنے قریبی رفقا سے مشاورت کررہے ہیں۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔