جامشورو میں وین اور مزدا ٹرک میں تصادم ایک ہی خاندان کے 8 افراد جاں بحق

حادثے کے بعد ڈرائیور ٹرک چھوڑ کر فرار ہوگیا ۔فوٹو:فائل

---

انڈس ہائی وے پر مسافر وین اور ٹرک میں تصادم کے نتیجے میں ایک ہی خاندان کے 8 افراد جاں بحق ہوگئے۔

ایکسپریس نیوز کے مطابق جامشورو میں انڈس ہائی وے پر مسافر وین اور مزدا ٹرک میں خوفناک تصادم ہوا ہے جس کے باعث 8 افراد جاں بحق اور 3 شدید زخمی ہوگئے۔ جاں بحق ہونے والے تمام افراد کا تعلق ایک ہی خاندان سے ہے۔

حادثے کے بعد ڈرائیور ٹرک چھوڑ کر فرار ہوگیا جب کہ پولیس نے دونوں متاثرہ گاڑیوں کو اپنی تحویل میں لے کر تحقیقات کا آغاز کردیا۔

واقعے کے بعد ریسکیو ٹیمیں موقع پر پہنچیں اور امدادی کارروائیاں کرتے ہوئے لاشوں اور زخمیوں کو اسپتال منتقل کردیا جہاں زخمیوں کو طبی امداد فراہم کی جارہی ہے جب کہ لاشوں کو ضابطے کی کارروئی کے بعد ورثا کے حوالے کردیا جائے گا۔