اسلام آباد ائرپورٹ پر برطانیہ جانے والے مسافر سے اسلحہ برآمد

ملزم اویس اختر قومی ایئرلائن کی پرواز پی کے 791 سے برمنگھم جا رہا تھا، اے ایس ایف : فوٹو:فائل

---

نیواسلام آباد ایئرپورٹ پر اے ایس ایف نے کارروائی کرکے برطانیہ جانے والے مسافر سے 30 بور پستول اور گولیاں برآمد کرلی ہیں۔

ایکسپریس نیوز کے مطابق اسلام آباد ائرپورٹ پر برطانیہ کے شہر برمنگھم جانے والے مسافر سے اسلحہ برآمد ہوا ہے ۔ اے ایس ایف نے ملزم کو گرفتار کرکے پولیس کے حوالے کردیا ہے۔

ایئرپورٹ سیکیورٹی فورسز کے مطابق ملزم اویس اختر قومی ایئرلائن کی پرواز پی کے 791 سے برمنگھم جارہا تھا۔ تلاشی کے دوران ملزم کے قبضے سے 30 بور پستول اور 12 عدد گولیاں برآمد ہوئیں، ملزم کو گرفتار کرکے پولیس کے حوالے کر دیا گیا ہے۔