کور کمانڈرز کانفرنس خطے کی جغرافیائی اسٹریٹجک صورتحال پر تبادلہ خیال

کور کمانڈرز نے آپریشن ردالفساد میں پیش رفت کا جائزہ بھی لیا

ویب ڈیسک September 04, 2018

کور کمانڈرز نے آپریشن ردالفساد میں پیش رفت کا جائزہ بھی لیا فوٹو:فائل

پاک فوج کے سربراہ جنرل قمر جاوید باجوہ کی زیر صدارت کور کمانڈرز کانفرنس ہوئی جس میں خطے کی جغرافیائی اسٹریٹجک صورتحال کا جائزہ لیا گیا۔

پاک فوج کے شعبہ تعلقاتِ عامہ (آئی ایس پی آر) کے مطابق آرمی چیف جنرل قمر جاوید باجوہ کی زیر صدارت جی ایچ کیو میں کور کمانڈرز کانفرنس ہوئی۔ اجلاس میں آپریشن ردالفساد میں پیش رفت کا جائزہ لیا گیا اور خطے کی جیو اسٹریٹیجک صورتحال پر تبادلہ خیال کیا گیا۔

CCC.Evolving geo-strat envmt & progress of op RuF discussed.Martyrs of Pak paid rich tribute on the eve of Def & Martyrs Day 18. COAS directed that field formations should reach out to families of martyrs in their respective areas as mark of respect & ack their great sacrifices. pic.twitter.com/QU62rwSi3F
— DG ISPR (@OfficialDGISPR) September 4, 2018

کورکمانڈرز نے یوم دفاع پر شہداء کو زبردست خراج تحسین بھی پیش کیا۔ اس موقع پر پاک فوج کے سربراہ جنرل قمر جاوید باجوہ کا کہنا تھا کہ شہداء کی قربانیوں اور خدمات کا اعتراف کیاجائے، فیلڈ فارمیشنز شہداء کے خاندانوں سے مل کر ان کی قربانیوں کا اعتراف کریں۔