پیراگوئے نے اپنا سفارتخانہ مقبوضہ بیت المقدس سے واپس تل ابیب منتقل کردیا

لاطینی امریکی ملک پیراگوئے نے اسرائیل میں اپنا سفارت خانہ مقبوضہ بیت المقدس سے واپس تل ابیت منتقل کردیا۔

بین الاقوامی میڈیا رپورٹس کے مطابق پیراگوئے کے وزیرخارجہ لوئس ایلبرٹو نے کہا کہ ان کا ملک مشرق وسطیٰ میں منصفانہ اور دیرپا امن کے لیے علاقائی سفارتی کوششوں میں پوری تندہی کے ساتھ شامل ہونا چاہتا ہے۔


یہ بھی پڑھیں: پیراگوئے نے بھی سفارت خانہ تل ابیب سے یروشلم منتقل کرلیا

دوسری جانب اسرائیلی وزیراعظم بنجمن نیتن یاہو نے پیراگوئے کے فیصلے پر فوری ردعمل کا اظہار کرتے ہوئے پیراگوئے میں اپنا سفارت خانہ بند کرنے کا اعلان کردیا۔

واضح رہے کہ پیرا گوئے نے ساڑھے تین ماہ قبل امریکا اور گوٹے مالا کے بعد اپنا سفارت خانہ مقبوضہ بیت المقدس منتقل کیا تھا۔سفارت خانے کی منتقلی کے موقع پر افتتاحی تقریب میں پیراگوئے کے سابق صدر بھی موجود تھے۔