طوطے نے انگلینڈ میں کرکٹ میچ رکوا دیا

طوطے نے پہلے تو گرائونڈ کا چکر لگایا اور پھر ہوم سائیڈ کے فیلڈر ٹام فلینری کے کندھے پر بیٹھ گیا۔ فوٹو: سوشل میڈیا

---

لیسٹر شائر میں امریکی طوطے کی دخل اندازی کے سبب ایک کرکٹ میچ روکنا پڑگیا۔

ہینکلے امچیر تھرڈز اور ہتھرن اولڈ سیکنڈ کے درمیان میچ جاری تھا کہ ایک امریکی طوطے نے انٹری دی، اس نے پہلے تو گرائونڈ کا چکر لگایا اور پھر ہوم سائیڈ کے فیلڈر ٹام فلینری کے کندھے پر بیٹھ گیا۔

ہیتھرن کے کپتان ٹم ڈیوس نے کہاکہ اس طوطے نے پہلے نچلی اڑان بھری اور پھر فلینری کے کندھے پر لینڈ کرگیا جس سے وہ قدرے حیران بھی ہوا تاہم 2،3 منٹ بعد وہاں سے ہٹ گیا، ہمیں اس دوران ڈرنک بریک لینے کا موقع مل گیا۔