عاطف میاں کو نکالنے پر عاصم خواجہ اقتصادی مشاورتی کونسل سے مستعفی

ایک مسلمان کی حیثیت سے اس اقدام کا جواز پیش نہیں کرسکتا، عاصم اعجاز خواجہ (فوٹو : فائل)

---

وزیر اعظم کی اقتصادی مشاورتی کونسل سے عاطف میاں کو نکالنے پر عاصم خواجہ مستعفی ہوگئے۔

سماجی رابطے کی ویب سائٹ پر ٹویٹ کرتے ہوئے عاصم اعجاز خواجہ نے کہا کہ اقتصادی مشاورتی کونسل (ای اے سی) سے استعفیٰ دے دیا ہے اور یہ فیصلہ میرے لیے تکلیف دہ ہے۔

یہ بھی پڑھیں : عاطف میاں کو اقتصادی مشاورتی کونسل سے ہٹانا مایوس کن ہے، جمائما

Have resigned from EAC. Painful, deeply sad decision. Grateful for chance to aid analytical reasoning but not when such values compromised. Personally as a Muslim I can't justify this. May Allah forgive/guide me&us all.Ever ready to help.Pakistan Paindabadhttps://t.co/j80LHEhfRK

— Asim Ijaz Khwaja (@aikhwaja) September 7, 2018

عاصم اعجاز خواجہ نے کہا کہ ایک مسلمان کی حیثیت سے اس اقدام کا جواز پیش نہیں کرسکتا جہاں ایسی اقدار پر سمجھوتہ کیا جائے وہاں کام کرنا ممکن نہیں، اللہ ہمیں معاف کرے میری اور ہم سب کی مدد فرمائے جب کہ ملک کی مدد کے لیے ہمیشہ تیارہوں، پاکستان پائندہ باد۔

واضح رہے کہ حکومت نے مذہبی جماعتوں اور دیگر حلقوں کی جانب سے شدید تنقید کے بعد عاطف میاں کو اکنامک ایڈوائزری کونسل کی رکنیت سے ہٹانے کا اعلان کیا ہے۔