پریس کانفرنس کے دوران اسپاٹ فکسنگ سوالات پر دھونی نے ہونٹ سی لیے

پریس کانفرنس کے دوران دھونی اکثرمواقع پر ٹال مٹول سے کام لیتے رہے جبکہ ایک موقع پر ان کیلیے ہنسی چھپانا بھی مشکل ہوگیا۔ فوٹو: فائل

---

بھارتی کپتان مہندرا سنگھ دھونی نے چیمپئنز ٹرافی کیلیے لندن روانگی سے قبل پریس کانفرنس میں آئی پی ایل اسپاٹ فکسنگ اسکینڈل پر سوالات پر ہونٹ سی لیے۔

وہ اکثر مواقع پر ٹال مٹول سے کام لیتے رہے جبکہ ایک موقع پر ان کیلیے ہنسی چھپانا بھی مشکل ہوگیا، ٹیم کے میڈیا منیجر ڈاکٹر آر این بابا نے بھی کپتان کو بات کرنے سے روکے رکھا، انھوں نے پریس کانفرنس میں موجود میڈیا نمائندوں سے کہا کہ وہ صرف چیمپئنز ٹرافی سے متعلق ہی سوالات کریں۔