اسپیکر قومی اسمبلی کا پہلی تنخواہ ڈیم فنڈ میں عطیہ کرنے کا اعلان

پانی جیسی عظیم نعمت کے ذخیرے کے لیے سب کو اقدامات کرنا ہوں گے، اسد قیصر۔ فوٹو:فائل

---

اسپیکر قومی اسمبلی اسد قیصر کا کہنا ہے کہ میں اپنی پہلی تنخواہ ڈیم فنڈ میں عطیہ کر رہا ہوں۔

سماجی رابطے کی ویب سائٹ ٹویٹر پر اپنے پیغام میں اسپیکر قومی اسمبلی نے کہا ہے کہ پانی انسانی زندگی کی بنیادی ضرورت ہے جس کی قدر کرنی چاہیے، اس عظیم نعمت کے ذخیرے کے لیے ہم سب کو مل کر اقدامات کرنا ہوں گے۔

میں اپنی پہلی تنخواہ وزیراعظم اور چیف جسٹس ڈیم فنڈ کے لئے عطیہ کر رہا ہوں اور تمام پاکستانیوں سے اپیل کرتا ہوں کہ اپنے بچوں کے مستقبل کو بچانے کےلئے اس کار خیر میں حصہ لیں

— Asad Qaiser (@AsadQaiserPTI) September 8, 2018

اسپیکر قومی اسمبلی نے کہا کہ میں اپنی پہلی تنخواہ وزیراعظم اور چیف جسٹس ڈیم فنڈ میں عطیہ کر رہا ہوں، تمام پاکستانی اپنے بچوں کے مستقبل کو بچانے کے لیے اس کار خیر میں بڑھ چڑھ کر حصہ لیں۔