امپائر سے بدتمیزی پر ٹینس اسٹار سرینا ولیم پر 17 ہزار ڈالر جرمانہ

سرینا ولیم نے امپائر پر صنفی امتیاز کا الزام بھی لگایا تھا۔ فوٹو : ٹویٹر

---

امریکی ٹینس اسٹار سرینا ولیم پر قواعد و ضوابط کی خلاف ورزی اور امپائر کے ساتھ نازیبا رویہ اختیار کرنے پر 17 ہزار ڈالر کا جرمانہ عائد کر دیا گیا۔

بین الاقوامی خبر رساں ادارے کے مطابق امریکی ٹینس ایسوسی ایشن نے کہا ہے کہ فائنل کی شکست خوردہ سرینا ولیم پر امریکی اوپن ٹورنامنٹ کے فائنل کے دوران کھیل کے ضوابط کی تین دفعات کی خلاف ورزی پر مجموعی طور پر 17 ہزار ڈالر کا جرمانہ عائد کر دیا گیا ہے۔

#SerenaWilliams has dominated a game that she was never invited to play PERIOD‼️ Women’s tennis now fills the seats!!! She’s told what she cannot wear,she’s drug tested more than any other player and now she’s accused of cheating, You can hear years of frustration in her voice. pic.twitter.com/eYK58SwBE8

— 🦩K o u r t n e y 🌴 (@Kourtneylatina) September 9, 2018

بین الاقوامی شہرت یافتہ امریکی ٹینس اسٹار سرینا ولیم پر جرمانہ یو ایس اوپن (ٹینس) کی انتظامیہ نے فائنل میچ میں حریف کھلاڑی کو پوائنٹ دینے کے فیصلے پر شدید احتجاج کرنے اور امپائر سے بدتمیزی پر عائد کیا۔ حریف جاپانی کھلاڑی اضافی پوائنٹس کے باعث فائنل جیتنے میں کامیاب ہوگئی تھیں۔

یہ خبر بھی پڑھیں : فائنل میں شکست پر سرینا ولیم امپائر پر پھٹ پڑیں، صنفی امتیاز کا الزام

واضح رہے کہ سرینا ولیم نے امریکی اوپن ٹینس ٹورنامنٹ کے فائنل میں امپائر کو غصے میں چور اور جھوٹا کہا اور صنفی امتیاز کا الزام لگایا تھا جب کہ کھیل کے دوسرے سیٹ میں انہوں نے اپنے ریکٹ کو زور سے زمین پر پٹخا تھا جس سے ریکٹ ٹوٹ گیا تھا۔