بلوچستان کے ضلع کوہلو میں باراتیوں کی وین الٹنے سے 8 بچوں سمیت 20 افراد زخمی ہوگئے۔

ایکسپریس نیوز کے مطابق کوہلو میں ڈگری کالج کے قریب باراتیوں کی وین الٹ گئی جس کے نتیجے میں 12 خواتین اور 8 بچے زخمی ہوگئے۔ حادثے کے بعد امدادی ٹیموں کو اطلاع دی گئی جنہوں نے موقع پر پہنچ کر زخمی ہونے والوں کو قریبی اسپتال منتقل کردیا جہاں انہیں طبی امداد فراہم کی گئی۔

ابتدائی طور پر حادثے کی وجہ نہیں معلوم ہوسکی تاہم پولیس نے تحقیقات کا آغاز کردیا ہے۔