پبینیٹوکنٹینرزسے سامان چرانے والے گروہ کے7افرادگرفتار

پبی میں حساس اداروں اورنوشہرہ پولیس نے نیٹوفورسزکے کنٹینرزسے سامان چوری کرنے والے گروہ کے7افرادکوگرفتارکرکے سامان کی بھاری کھیپ برآمدکرلی۔

ملزمان نیٹو کنٹینرز کے سیل توڑکرقیمتی اورحساس سامان نکال کرسیل بند کردیتے تھے۔پولیس اورحساس اداروں نے تحقیقات شروع کردی ہیں۔ڈی پی او نوشہرہ وقار احمد کی سربراہی میں حساس اداروں اورنوشہرہ پولیس کی بھاری نفری نے پبی اسٹیشن جی ٹی روڈ پر اقع ملنگ سی این جی کے قریب ایک گودام پر چھاپہ مارکر نیٹو فورسز کے کنٹینرزسے قیمتی اورحساس سامان چوری کرنے والے بین الاقوامی گروہ کے سات افراد کو گرفتار کرلیااورگودام سے ایک کنٹینر اوراورسامان کی بھاری کھیپ برامد کی گئی ہے۔




ڈی پی او وقار احمدنے رابطہ کرنے پر بتایا کہ ہمیں اطلاع تھی کہ ایک گروہ منظم طریقے سے نیٹو فورسز کے کنٹینرزکوپبی کے مقام پرایک گودام میں ڈرائیورز اور مالکان کی ملی بھگت سے قیمتی اور حساس سامان چوری کرتے ہیں۔