مقبوضہ کشمیر میں بھارتی فوج کی فائرنگ سے مزید 3 کشمیری شہید

گزشتہ ماہ مقبوضہ کشمیر میں بھارتی فوج کی کارروائیوں کے نتیجے میں 34 کشمیری شہید ہوگئے تھے۔ فوٹو : فائل

---

مقبوضہ کشمیر میں قابض بھارتی فوج نے ریاستی دہشت گردی کے دوران فائرنگ کرکے مزید 3 کشمیریوں کو شہید کردیا۔

کشمیر میڈیا سروس کے مطابق مقبوضہ کشمیر میں بھارتی فوج کی ریاستی دہشت گردی کے نتیجے میں 2 کشمیری نوجوانوں سمیت ایک پی ایچ ڈی اسکالر شہید ہوگیا، ضلع ہنڈوارا میں سرچ آپریشن کے دوران قابض فوج کی فائرنگ کے نتیجے میں 18 سالہ فرقان اور لیاقت احمد شہید ہوگئے۔

اس خبر کو بھی پڑھیں : بھارتی فوج کی ریاستی دہشت گردی میں مزید 3 کشمیری شہید

دوسری جانب سری نگر کے علاقے میں بھارتی فوج نے فائرنگ کرکے 42 سالہ پی ایچ ڈی اسکالر عبدالغنی کو شہید کردیا، مظاہروں سے بچنے کے لیے ضلع ہنڈوارا میں انٹرنیٹ سروس معطل کردی گئی ہے جب کہ اسکولوں کو بھی بند کروادیا گیا ہے۔

اس خبر کو بھی پڑھیں : قابض بھارتی فوج کے ہاتھوں 34 کشمیری شہید

واضح رہے کہ گزشتہ ماہ مقبوضہ کشمیر میں قابض بھارتی فوج کی کارروائیوں کے نتیجے میں 34 کشمیری شہید ہوگئے تھے۔