عورت کی بدترین مثال قراردینے پر ریحام خان کا ریشم کو جواب

ریشم سے متعلق کوئی بھی کہانی اپنی کتاب یا کسی بھی نوٹس میں لکھی ہی نہیں، ریحام خان

ویب ڈیسک September 11, 2018

ریحام خان نے ریشم کی ویڈیو پر ردعمل ظاہر کرتے ہوئے اسے مذاق قراردیاہے فوٹوفائل

وزیراعظم پاکستان عمران خان کی سابق اہلیہ ریحام خان نے خود کو اداکارہ ریشم کی جانب سے بدترین عورت کی مثال کہنے پر ردعمل ظاہر کیا ہے۔

گزشتہ روز اداکارہ ریشم کی ایک ویڈیو وائرل ہوئی تھی جس میں ایک انٹرویو کے دوران انہوں نے ریحام خان کی کتاب کے حوالے سے پوچھے جانے والے سوال کے جواب میں کہا تھا کہ زندگی میں ہر کوئی غلطی کرتا ہے، عمران خان سے بھی کچھ غلطیاں ہوئیں اگر میں بات کروں ریحام خان کی تو وہ عورت کی بدترین مثال اور جمائمہ گولڈ اسمتھ بہترین مثال ہیں۔

اس خبرکوبھی پڑھیں: ریحام خان عورت کی بدترین مثال ہیں

ریحام خان نے اداکارہ ریشم اورحمزہ علی عباسی سمیت مختلف شخصیات کا ذکر اپنی کتاب میں کیاتھا جس کے حوالے سے اداکارہ ریشم کا کہنا تھا کہ ریحام خان نے اپنی کتاب کی طرف زیادہ سے زیادہ لوگوں کو راغب کرنے اور اپنی کتاب بیچنےکے لیے مجھ سمیت ان تمام لوگوں کے نام لیے جن کا کبھی کوئی اسکینڈل نہیں رہا تاکہ زیادہ لوگ ان کی کتاب پڑھیں۔

Comedy hahaaa https://t.co/QwpQEQMN3Y
— Reham Khan (@RehamKhan1) September 9, 2018

اداکارہ ریشم کے اس ویڈیو بیان پر ریحام خان نے ردعمل ظاہر کرتے ہوئے اسے مذاق قرار دیا اور ٹوئٹ کرتے ہوئے کہا ''دراصل میں نے ریشم سے متعلق کوئی بھی کہانی اپنی کتاب یا کسی بھی نوٹس میں کہیں لکھی ہی نہیں ہے۔''