ٹریکٹر ٹرالی کھائی میں گرنے سے 3 خواتین سمیت 4 افراد جاں بحق

حادثے میں کئی افراد زخمی بھی ہوئے جنہیں اسپتال میں طبی امداد فراہم کی گئی (فوٹو : فائل)

---

بلوچستان کے ضلع موسیٰ خیل میں ٹریکٹر ٹرالی کھائی میں گرنے سے 3 خواتین سمیت 4 افراد جاں بحق ہوگئے۔

ایکسپریس نیوز کے مطابق موسیٰ خیل میں ٹریکٹر ٹرالی کھائی میں گرگئی جس کے نتیجے میں 3 خواتین سمیت 4 افراد موقع پر ہی جاں بحق اور کئی زخمی ہوگئے۔

حادثے کی اطلاع ملتے ہی امدادی ٹیمیں فوری طور پر موقع پر پہنچیں اور امدادی کارروائیاں کرتے ہوئے لاشوں اور زخمیوں کو قریبی اسپتال منتقل کردیا جہاں زخمیوں کو طبی امداد فراہم کی گئی۔ پولیس اور اسپتال کے عملے نے لاشوں کو ضابطے کی کارروائی کے بعد ورثا کے حوالے کردیا۔