کراچی کے مختلف علاقوں میں بوندا باندی

بوندا باندی سے شہر کا موسم خوشگوار ہوگیا

ویب ڈیسک September 13, 2018

بارش کے باعث سڑکوں پرپھسلن ہوگئی ہے: فوٹو: فائل

شہر کے مختلف علاقوں میں بوندا باندی سے موسم خوشگوار ہوگیا۔

ایکسپریس نیوزکے مطابق کراچی شہرکے مختلف علاقوں میں بوندا باندی سے موسم خوشگوارہوگیا، جن علاقوں میں بوندا باندی ہوئی ان میں ڈیفنس، کلفٹن، محمود آباد ، شاہراہ فیصل ، شاہراہ قائدین، گلشن اقبال، پرانی سبزی منڈی ، نیوٹاؤن سمیت دیگرعلاقے شامل ہیں۔

بارش کے باعث سڑکوں پرپھسلن ہوگئی جس کی وجہ سے کئی موٹرسائیکلیں پھسل گئیں تاہم ان سے کسی قسم کا جانی نقصان نہیں ہوا۔ انتظامیہ کی جانب سے عوام کو احتیاط برتنے کی اپیل کرتے ہوئے کہا گیا ہے شہری ٹوٹے ہوئے تاروں، بجلی کے کھمبوں اورپی ایم ٹیزسے دوررہیں۔

دوسری جانب محکمہ موسمیات کے مطابق ملک کے بیشترعلاقوں میں موسم گرم اورمرطوب رہے گا تاہم راولپنڈی، گوجرانوالہ، لاہورڈویژن، اسلام آباد اور کشمیر میں چند مقامات پر تیز ہواؤں اورگرج چمک کے ساتھ بارش کا امکان ہے۔