کترینہ کی زبردست مداح ہوں جیکولین فرنینڈس

کترینہ ان کے لیے ایک مثالی اداکارہ ہیں، جیکولین فرنینڈس فوٹو: فائل

---

بالی وڈ اداکارہ جیکولین فرنینڈس بھی کترینہ کیف کی پرستار نکلیں،انھوں نے کہا کہ کترینہ کی زبردست مداح ہوں۔

مس سری لنکا اور بالی وڈ حسینہ جیکولین فرنینڈس نے یہ بات ایک تقریب کے دوران کہی۔ انھوں نے کہا کہ کترینہ ان کے لیے ایک مثالی اداکارہ ہیں۔ کترینا کا تعلق برطانیہ سے ہے جہاں انگریزی زبان بولی جاتی ہیں۔ اس کے باوجود انھوں نے بالی وڈ دنیا میں اپنی محنت سے اپنی پہچان بنائی۔ ہندی زبان کی باقاعدہ تربیت حاصل کی تاکہ ان کی زبان کا مسئلہ ختم ہو اورخود کو بہترین اداکارہ کے طور پر منوایا۔ آج وہ اپنی انتھک محنت کی وجہ سے شہرت کی بلندیوں کو چھو رہی ہیں۔ کترینا کی شخصیت ان کے لیے متاثر کن ہے۔