شہریوں نے گورنر ہاؤس پنجاب میں آبشار ، جھیل ، بارہ دری اور چڑیا گھر کی سیر کی فوٹو:سوشل میڈیا
وزیر اعظم عمران خان کے حکم پر گورنر ہاؤس کو عوام کے لیے کھول دیا گیا ہے۔ دروازے پر وقت سے پہلے ہی لوگوں کی لمبی قطاریں لگ گئیں۔ بڑی تعداد میں شہریوں نے گورنر ہاؤس کی سیر کی اور اہم مقامات دیکھے۔
اس خبر کو بھی پڑھیں : گورنر ہاؤس سندھ شہریوں کے لیے کھول دیا گیا
گورنر ہاؤس پنجاب میں آبشار ، جھیل ، بارہ دری اور چڑیا گھر سمیت بہت سی پرکشش جگہیں ہیں۔ عوام نے بارہ دری، پہاڑی اور لان میں گہری دلچسپی لی اور تصاویر بنائیں۔ خواتین ، بچے اور بڑے گورنر ہاؤس کی سیر کرکے سب خوش دکھائی دیے۔
گورنر ہاوس لاہور عوام کے لیے کھول دیا گیا. عوام کا جوش و خروش دیدنی ہے. لوگ اپنی فیملیز اور بچوں کے ہمراہ گورنر ہاوس لاہور کا دورہ کر رہے ہیں. pic.twitter.com/ZKw44JyBpl
— Team Sarwar (@TeamSarwar) September 16, 2018
شہریوں کی رہنمائی اور سیکیورٹی کے لیے گورنر ہاؤس کا عملہ اور پولیس کی بھاری نفری بھی تعینات کی گئی۔ صوبائی وزرا کو بھی عوام کے استقبال کی دعوت دی گئی تھی تاہم کوئی وزیر نہیں آیا۔ فیملیز کی آمد کا سلسلہ شام تک جاری رہے گا۔ حکومتی اعلان کے مطابق گورنر ہاؤس ہر اتوار کو عوام کے لیے کھولا جائے گا۔
واضح رہے کہ گورنر ہاؤس سندھ اور گورنر ہاؤس مری کو بھی کھول دیا گیا ہے اور شہری ان سرکاری عمارتوں کی سیر کرکے لطف اندوز ہورہے ہیں۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔