خاران میں بم دھماکے اور فائرنگ سے 5 افراد زخمی

بلوچستان کے ضلع خاران میں بم دھماکے اور فائرنگ سے 5 افراد زخمی ہوگئے۔

پولیس کے مطابق خاران کے بازار میں زور دار دھماکے اور فائرنگ کے نتیجے میں 5 افراد زخمی ہوگئے جس میں سے 3 افراد کی حالت تشویش ناک ہے۔


یہ بھی پڑھیں : قلعہ سیف اللہ میں مسلح افراد کی فائرنگ سے لیویز رسالدار شہید

دھماکے کے فوری بعد ریسکیو ٹیمیں موقع پر پہنچیں اور امدادی کارروائیاں کرتے ہوئے زخمیوں کو قریبی اسپتال منتقل کردیا جہاں انہیں طبی امداد فراہم کی گئی۔

سیکیورٹی فورسز نے جائے وقوع سے ابتدائی شواہد اکٹھے کرکے تحقیقات کا آغاز کردیا۔ پولیس کا کہنا ہے کہ دھماکا کس نوعیت کا تھا اور اس میں کتنا دھماکا خیز مواد استعمال کیا گیا اس حوالے سے فی الوقت کچھ نہیں کہا جاسکتا۔