عمران خان نے خصوصی طیارہ استعمال کرکے اپنے وعدے کی نفی کردیمریم اورنگزیب

جھوٹی میڈیا اسٹریٹجی سے باشور عوام کو بے وقوف نہیں بنایا جاسکتا، مریم اورنگزیب (فوٹو: فائل)

---

پاکستان مسلم لیگ (ن) کی ترجمان مریم اورنگزیب نے کہا ہے کہ عمران خان نے غیر ملکی دورے کے لیے خصوصی طیارے کا استعمال کرکے اپنے وعدوں کی نفی کی ہے۔

وزیراعظم عمران خان کے دورہ سعودی عرب پرردعمل دیتے ہوئے مریم اورنگزیب نے ٹوئٹر پر وزیراعظم کی خصوصی طیارے والی تصویر کے ساتھ لکھا کہ 'کیا یہ پتنگ ہے؟ کیایہ پرندہ ہے، نہیں یہ تو خاص جہاز ہے جو کہ عمران خان نے کہا تھا کہ وہ کبھی استعمال نہیں کریں گے۔

Is it kite? Is it a bird ? - NO hang on ! It is a SPECIAL PLANE that he said he will never fly in #Factchecktabdeeli pic.twitter.com/XgSGlv8NcI

— Marriyum Aurangzeb (@Marriyum_A) September 18, 2018

مریم اورنگزیب نے پی ٹی آئی کو تنقید کا نشانہ بناتے ہوئے کہا کہ فواد چوہدری نے کہا تھا کہ منصب سنبھالنے کے تین ماہ تک وزیراعظم بیرون ملک کا دورہ نہیں کریں گے اور یہ بھی کہا تھا کہ عمران خان بیرون ملک دوروں میں خصوصی طیارہ استعمال نہیں کریں گے۔

یہ بھی پڑھیں: وزیراعظم نے مدینہ کی سرزمین پر قدم رکھنے سے پہلے ہی جوتے اتاردیے

ترجمان (ن) لیگ کا کہنا تھا کہ کنٹینر سے لے کر الیکشن اور قوم سے خطاب میں کیے گئے وعدوں میں سے پی ٹی آئی نے ابھی تک کچھ بھی پورا نہیں کیا، انہوں نے جھوٹ بولا اور دھوکا دیا۔