ڈیف ٹی ٹوئنٹی سیریز پاکستان نے بنگلادیش کو ہرادیا
پاکستان نے ہدف 12.5اوورز میں صرف 2وکٹوں کے نقصان پر حاصل کرلیا
سہ ملکی ڈیف ٹی ٹوئنٹی سیریز کے آخری لیگ میچ میں پاکستان نے بنگلا دیش کو 8 وکٹوں سے شکست دیدی،عثمان امیر نے ہیٹ ٹرک سمیت 5 وکٹیں حاصل کیں۔
ڈھاکا میں ہونے والے مقابلے میں پاکستان نے ٹاس جیت کر پہلے فیلڈنگ کا فیصلہ کیا،بنگلا دیش کی ٹیم 15 اوورز میں 44 رنز پرہی ڈھیر ہوگئی،عاقب 17اور ایمون 10 ہی ڈبل فیگر تک رسائی حاصل کرسکے،عثمان امیر نے ہیٹ ٹرک سمیت 5شکار کئے،جابر علی3،بلال طارق 2 وکٹیں لے اڑے۔
پاکستان نے ہدف 12.5 اوورز میں صرف 2 وکٹوں کے نقصان پر حاصل کرلیا،ولید اسلم 20 پر ناقابل شکست رہے۔عثمان امیر کو مین آف دی میچ قرار دیا گیا۔