سعودی عرب نے ہرمشکل وقت میں پاکستان کی مدد کی وزیر اعظم

عمران خان جدہ میں العربیہ نیوز ٹی وی کو خصوصی انٹرویو دیتے ہوئے( فوٹو: العربیہ)

---

وزیر اعظم عمران خان نے کہا ہے کہ ہر مشکل وقت میں جب بھی ضرورت پڑی سعودی عرب نے پاکستان کی مدد کی پاکستان ہمیشہ سعودی عرب کے ساتھ کھڑا ہے۔

دورہ سعودی عرب کے دوران عرب ٹی وی کو انٹرویو دیتے ہوئے وزیر اعظم عمران خان کا کہنا تھا کہ پاکستان ہمیشہ سعودی عرب کی حمایت جاری رکھے گا، پاکستان اور سعودی عرب کے عوام کے درمیان مضبوط برادرانہ تعلقات ہیں اور پاکستان میں جب بھی کوئی اقتدار میں آتا ہے تو وہ سب سے پہلے سعودی عرب کا دورہ کرنا چاہتا ہے۔

VIDEO: #Pakistan Prime Minister #ImranKhan said his country is seeking to implement #Saudi #KingSalman's experience in fighting corruption.

Read more of his interview with Al Arabiya GM @TurkiAldakhil: https://t.co/zFsIIh306g pic.twitter.com/K9VVgeqQmm

— Al Arabiya English (@AlArabiya_Eng) September 19, 2018

یہ بھی پڑھیں: وزیراعظم عمران خان کی سعودی فرمانروا شاہ سلمان سے ملاقات

دنیائے اسلام کے حوالے سے انہوں نے کہا کہ لیبیا، افغانستان، شام اور دیگر اسلامی ممالک میں تنازعات نہیں ہونے چاہئیں کیونکہ امت مسلمہ میں تنازعات نے ہم سب کو کمزور کیا ہے اور ان تنازعات کی وجہ سے پاکستان بھی متاثر ہوا ہے، پاکستان مسلم ممالک میں تنازعات ختم کرنے اور مفاہمت پیدا کرنے کے لیے کردار ادا کرنے کو تیار ہے۔

عمران خان کا مزید کہنا تھا کہ پاکستان ہمیشہ سعودی عرب کے ساتھ کھڑا ہے اور ہم ہمیشہ سعودی عرب کی حمایت جاری رکھیں گے۔

VIDEO: Conflict in the Muslim world is weakening all of us, PM @ImranKhanPTI tells Al Arabiya's @TurkiAldakhil.

'Ideally, #Pakistan would like to play a role of putting out these fires and reconciliation'.

Read more: https://t.co/A5ZeFXZw9T pic.twitter.com/nIQl6vvCn5

— Al Arabiya English (@AlArabiya_Eng) September 19, 2018