سانگھڑ کے نواحی گاؤں میں3 بچیاں جھیل میں ڈوب کر جاں بحق

کھیلتے ہوئے ایک بچی جھیل میں گری تو بچانے کے لیے دیگر 2 بچیاں بھی کود گئیں، 3 لاشیں ملنے پر گاؤں سوگوار. فوٹو فائل

---

سانگھڑ کے قریب ہولناک واقعے میں راجڑ برادری کی 3 بچیاں قریبی جھیل میں ڈوب کر ہلاک، لاشیں نکال لی گئیں، گاؤں میں سوگ کا ماحول۔

اطلاعات کے مطابق سانگھڑ چوٹیاریوں کے نواحی گاؤں ڈبری میں قریبی جھیل میں کھیلتے ہوئے 3 بچیاں 6 سالہ حسینہ ولد مولا بخش راجڑ ، 7 سالہ نوری ولد علی بخش راجڑاور 6 سالہ مومل والد محمد خان راجڑ ڈوب کر ہلاک ہوگئیں.



بتایا جاتا ہے کہ ایک بچی ڈوبی تو دوسری بچی اس کو بچانے کے لیے جھیل میں کودگئی، دوسری نے تیسری کی جان بچانے کی کوشش میں موت کا شکار ہوگئیں، والدین نے کافی دیر کی گمشدگی کے بعد بیٹیوں کی تلاش شروع کی توکئی گھنٹوں کی تلاش کے بعد جھیل میں تینوں کی لاشیں تیرتی نظر آئیں، معصوم بچیوں کی موت پرپورا گاؤں سوگوار ہوگیا، آخری اطلاعات تک لاشوں کو سول اسپتال سانگھڑ نہیں لایا گیا، چوٹیاریوں پولیس والدین سے معلومات حاصل کررہی ہے۔