رینکنگ ٹینس رضا سوانی سیمی فائنل میں پہنچ گئے

قومی رینکنگ اوپن جونیئرز اور سینئرز ٹینس چیمپئن شپ میں رضا سوانی اپنے حریف مزمل مرتضیٰ کو شکست دیکر بوائز انڈر 18سنگلز کے سیمی فائنل میں پہنچ گئے۔

رضا نے کوارٹر فائنل میں 6-1 اور6-1سے کامیابی حاصل کی، دوسرے راؤنڈ مقابلوں میں جلال الدین بابر نے امین شفیع کو6-2 اور 6-0سے جبکہ ابراہیم انتصار نے شہاب گل کو6-1 اور6-1سے ہرا دیا، سندھ ٹینس ایسوسی ایشن کے تحت کراچی جیمخانہ میں جاری اس چیمپئن شپ کے بوائزانڈر 14 سنگلز کے کوارٹر فائنل میں عباد احمد نے جلا ل الدین بابر کو3-6،7-6 اور11-9 سے زیر کرلیا، بوائز انڈر12 سنگلز کے کوارٹر فائنل میں محمد احمد نے اشیش کمار کو ہرادیا۔




حانیہ نوید اپنی حریف نوئیل عزیز کوبآسانی6-0اور6-0 سے ہرا کر گرلز انڈر14 سنگلز کے سیمی فائنل میں پہنچ گئیں،35 پلس سنگلز کے دوسرے راؤنڈ میں تنویر علی ہرل نے نور اللہ دھنانی(حیدرآباد ) کو6-2 اور 6-4سے زیر کیا جبکہ شیر علی نے اسد علی بھگت کو7-5اور 6-4 سے شکست دیدی، چیمپئن شپ کے فائنلز منگل کو کھیلے جائیں گے۔