تاریک دور ختم پاکستان خطے میں معاشی سرگرمی کا مرکز بنے گا فواد چوہدری

سی پیک میں توسیع پاکستان اور چین کے مفاد میں ہے، وزیراطلاعات ۔ فوٹو:فائل

---

وفاقی وزیراطلاعات بیرسٹرفواد چوہدری کا کہنا ہے کہ تاریک دور ختم ہوگیا، اب سی پیک منصوبے کے ذریعے پاکستان خطے میں میں معاشی سرگرمی کا مرکز بنے گا۔

ایکسپریس نیوزکے مطابق سابق وفاقی وزیرداخلہ اور (ن) لیگ کے رہنما احسن اقبال نے سماجی رابطے کی ویب سائٹ ٹویٹر پر وفاقی وزیراطلاعات اور پی ٹی آئی کے رہنما فواد چوہدری سے سوال کیا تھا کہ سعودی عرب کو سی پیک میں شامل کرنے سے قبل چین کو اعتماد میں لیا گیا۔

جس پر وفاقی وزیراطلاعات فواد چوہدری نے بھی سماجی رابطے کی ویب سائٹ ٹویٹر پر جواب میں کہا کہ سی پیک میں سعودی عرب کو پارٹنر بنانے کے بارے میں چین کو اعتماد میں لیا گیا ہے۔

Has China been taken into confidence? CPEC is a bilateral project in which induction of any other country has to have concurrence of both sides. https://t.co/a23rOcLBC4

— Ahsan Iqbal (@betterpakistan) September 20, 2018

فواد چوہدری کا کہنا تھا کہ سی پیک میں توسیع پاکستان اور چین کے مفاد میں ہے، تاریک دور ختم ہوگیا ہے اب پاکستان خطے میں معاشی سرگرمی کا مرکز بنے گا۔

Yes China has been taken into confidence, expansion of CPEC is in China and Pakistan interest. Pak ll be a centre of economic activity of this region, era of darkness is over. https://t.co/m8AvLIuAEJ

— Ch Fawad Hussain (@fawadchaudhry) September 21, 2018