ہنگو سے نو منتخب رکن صوبائی اسمبلی فرید خان اور ان کے دوست فائرنگ سے جاں بحق

نامعلوم افراد نے فرید خان کی گاڑی پر فائرنگ کردی جس کے نتیجے میں وہ موقع پر ہی جاں بحق جبکہ ان کا ایک محافظ زخمی ہوگیا ، فوٹو : فائل

---

خیبر پختونخوا اسمبلی کے نو منتخب رکن فرید خان اور ان کے دوست کو فائرنگ کرکے قتل کردیا گیا۔

ایکسپریس نیوز کے مطابق ہنگو کےمحلہ سنگیڑ میں نامعلوم افراد نے فرید خان کی گاڑی پر فائرنگ کردی جس کے نتیجے میں وہ موقع پر ہی جاں بحق جبکہ گاڑی میں موجود ان کا ایک دوست زخمی ہوگیا، جنہیں طبی امداد کےلئے قریبی اسپتال منتقل کردیا گیا تاہم وہ جاں بر نہ ہوسکے۔

واضح رہے کہ فرید خان خیبرپختونخوا اسمبلی کے حلقہ پی کے 41 ہنگو سے آزاد حیثیت سے کامیاب ہوئے تھے تاہم بعد میں انہوں نے تحریک انصاف میں شمولیت اختیار کرلی تھی، وہ جمعیت علماء اسلام (ف) کے مضبوط ترین امیدوار عتیق الرحمان کو شکست دے کر پہلی مرتبہ رکن صوبائی اسمبلی منتخب ہوئے تھے۔