افغانستان میں مختلف بم دھماکوں میں 12 بچوں اور2 نیٹو فوجیوں سمیت 20 افراد ہلاک

جس وقت خود کش بمبار نے خود کو دھماکے سے اڑایا اس وقت اسکول کی چھٹی ہوئی تھی اوربچے اپنے گھروں کو جانے کے لئے باہر نکل رہے تھے، پولیس سربراہ فوٹو: رائٹرز

---

افغانستان میں مختلف بم دھماکوں کے نتیجے میں 12 بچوں اور2 نیٹو فوجیوں سمیت 20افراد ہلاک اورمتعدد زخمی ہوگئے۔

غیرملکی خبررساں ایجنسی سے بات کرتے ہوئے صوبہ پکتیا کے پولیس سربراہ کا کہنا تھا کہ کہ خود کش بمبار موٹر سائیکل پر سوار ہو کر اسکول کے باہر ہجوم میں داخل ہوا اور خود کو دھماکے سے اڑا لیا، پولیس چیف نے کہا کہ جس وقت خود کش بمبار نے خود کو دھماکے سے اڑایا اس وقت اسکول کی چھٹی ہوئی تھی اوربچے اپنے گھروں کو جانے کے لئے باہر نکل رہے تھے جب کہ دوسری جانب نیٹو نے بھی حملے میں 2 فوجیوں کی ہلاکت کی تصدیق کی ہے۔

اس سے قبل صوبہ لغمان میں طالبان کی جانب سے سڑک کنارے نصب بم پھٹنے سے ایک ہی خاندان کے 7 افراد ہلاک ہو گئے جن میں 4 خواتین اور2 بچے بھی شامل ہیں۔