سلمان خان نے ہندو انتہا پسندوں کے آگے گھٹنے ٹیک دئیے

ہندو انتہا پسندوں کی دھمکیوں پر سلمان خان نے اپنی ہوم پروڈکشن فلم ’’لوراتری‘‘ کا نام بدل دیا

ویب ڈیسک September 22, 2018

بھارتی ریاست بہار کی مقامی عدالت نے سلمان خان، آیوش شرماسمیت سات افراد پر مقدمہ درج کرنےکا حکم دیاتھا فوٹو:فائل

بالی ووڈ کے دبنگ اداکار سلمان خان نے ہندو انتہا پسندوں کےآگے گھٹنے ٹیکتے ہوئے فلم''لوراتری''کانام تبدیل کردیا۔

سلمان خان کی ہوم پروڈکشن میں بننے والی فلم''لوراتری''ابتدا ہی سے اپنے نام کے باعث مشکلات میں گھری ہوئی ہے، چند روز قبل بھارتی ریاست بہار کی مقامی عدالت نے فلم کے نام کی وجہ سے ہندوؤں کے مذہبی جذبات مجروح کرنے پر سلمان خان، فلم کے ہیرو آیوش شرما سمیت سات افراد پر مقدمہ درج کرنے کا حکم دیا تھا۔

اس خبرکوبھی پڑھیں: سلمان خان پرہندوؤں کے مذہبی جذبات مجروح کرنے کا مقدمہ درج

دوسری جانب ہندو انتہا پسند جماعت وشوا ہندو پریشاد کے سربراہ آلوک کمار نے بھی فلم کے ٹائٹل پر اعتراض اٹھاتے ہوئے سینما گھروں میں فلم کی نمائش روکنے کی دھمکی دی تھی، انتہا پسند ہندوؤں کے مسلسل دباؤ پر بالآخر سلمان خان نے ہار مان لی اور فلم کانام ''لوراتری''سے تبدیل کرکے''لو یاتری''کردیا۔

سلمان خان نے فلم کے نام کی تبدیلی کی اطلاع ٹوئٹر پر دیتے ہوئے لکھا کہ یہ اسپیلنگ کی غلطی نہیں ہے۔ یاد رہے کہ لفظ ''لوراتری'' ہندوؤں کےمذہبی تہوار''نوراتری''سے لیاگیا تھا۔ فلم 5 اکتوبر کو نمائش کے لیے پیش کی جائے گی۔

This is not a spelling mistake... #loveyatri #lovetakesover...@SKFilmsOfficial @aaysharma @Warina_Hussain @abhiraj21288 @TSeries pic.twitter.com/WcI5tbXkke
— Salman Khan (@BeingSalmanKhan) September 18, 2018