کرکٹ و شوبز ستاروں کی پاکستانی ٹیم کیلئے نیک تمنائیں

امید کرتاہوں پاکستانی ٹیم 50 اوور تک سمجھداری سے کھیلے گی، شعیب اختر فوٹو:فائل

---

ایشیا کپ 2018 کے سپر فور مرحلے میں پاکستان اوربھارت کی ٹیمیں آج ایک بار پھر ٹکرائیں گی اور ٹیم کی کامیابی کے لیے کرکٹ و شوبز اسٹارز نے نیک تمناؤں کا اظہار کیا ہے۔

سابق کرکٹر شعیب اختر نے پاکستان کی جیت کی دعاکرتے ہوئے کہا کہ پاکستان اور بھارت کے درمیان بڑا مقابلہ ہوگا، امید کرتاہوں کہ پاکستانی ٹیم 50 اوور تک سمجھداری سے کھیلے گی۔ انہوں نے دونوں ٹیموں کے لیے نیک خواہشات کااظہار کرتے ہوئے کہا کہ ان سےمیچ کا انتظار نہیں ہورہا۔

Big game coming up tomorrow I really hope Pak team bats sensibly till 50 over & get some early break through in bowling ..
Best of luck to both teams can’t wait to see a close encounter tomorrow.

— Shoaib Akhtar (@shoaib100mph) September 22, 2018

قومی کرکٹر سعید اجمل نے بھی ٹوئٹر پر پاکستانی ٹیم کے لیے نیک تمناؤں کا اظہار کرتے ہوئے لکھا آج کا گیم ہندوستان کے خلاف ہے اور ہم پاکستانی ٹیم کی حمایت کرتے ہیں، پاکستان زندہ باد۔

Good luck to team Pakistan 🇵🇰 today game against Hindustan ❤️we are supporting U all , Pakistan Zindabad 🇵🇰

— Saeed Ajmal (@REALsaeedajmal) September 23, 2018

پاکستانی آل راؤنڈر محمد حفیظ نے پاکستانی ٹیم کو مشورہ دیتے ہوئے لکھا کہ محنت سے کھیلیں ، پوری قوم آپ کے ساتھ ہے، پاکستان زندہ باد۔

Good luck to team Pakistan 🇵🇰 , play hard & express urself with Natural Flare ❤️👍🏼, whole nation is supporting U all , Pakistan Zindabad 🇵🇰

— Mohammad Hafeez (@MHafeez22) September 23, 2018

سابق کپتان مصباح الحق نے پاکستان کی جیت کی دعا کرتے ہوئے دونوں ٹیموں کے لیے نیک تمناؤں کا اظہار کیا۔

[instagram-post url="https://www.instagram.com/p/BoC3n0rnKOr/"]

نامور اداکارہ ریشم نے بھی انسٹاگرام پر ویڈیو شیئر کی ہےجس میں انہوں نے پاکستانی ٹیم کی کامیابی کے لیے دعاکرتے ہوئے کہا ہے کہ صرف میری نہیں بلکہ پوری قوم کی دعائیں آپ کے ساتھ ہیں، دعا ہے کہ جیت صرف پاکستان کی ہو۔

[instagram-post url="https://www.instagram.com/p/BoD2IAwAQyD/"]