پختونخوا میں دوسرے روزبھی آندھی مزید 8 افراد جاں بحق

زیادہ ہلاکتیں کبل،کوزہ بانڈی،وادی کالام ،کاٹلنگ میں چھتیں اوردیواریں گرنے سے ہوئیں

Numaindgan Express June 04, 2013

زیادہ ہلاکتیں کبل،کوزہ بانڈی،وادی کالام ،کاٹلنگ میں چھتیں اوردیواریں گرنے سے ہوئیں. فوٹو:محمد نعمان/ایکسپریس

سوات میں آندھی اور طوفان کا سلسلہ بدستور جاری ،دوسرے روز بھی متعدد مقامات پر شدید تیز وتند ہواؤں سے تباہی مچ گئی۔

تحصیل کبل میں مکان کی چھت گرنے سے 3 افراد جاں بحق جبکہ 2 زخمی ہوگئے،اپر سوات کے بیشتر مقامات میں تیز وتند ہواؤں سے درخت اکھڑ گئے اور کچی آبادیوں کی دیواریں گر گئیں، تحصیل کبل کی یونین کونسل کوزہ بانڈی کے علاقہ چرگو شاہ میں افسر علی کا کچے مکان مکان کی چھت گر گئی جسکے ملبے تلے 5 افراد دب گئے ۔

جن میں سے 3 افراد جاں بحق جبکہ2 زخمی ہوگئے، جاں بحق ہونیوالوں میں کمسن بہن بھائی شامل ہیں، سوات کی اخبار فروش یونین کے صدر عبدالوہاب اور گنبد میرہ کے رہائشی سابق ہیڈ ماسٹر محمد ایوب کے گھر کی دیواریں گرگئیں۔