ایشیا کپ میں قومی ٹیم کی کارکردگی پر سابق کرکٹرز مایوسی میں ڈوب گئے

مکی آرتھر ٹیم کمبی نیشن اور پلیئنگ الیون کے حوالے سے ہی تذبذب کا شکار ہیں، ثقلین مشتاق

---

بنگلا دیش کے ہاتھوں شکست اور ایشیا کپ میں قومی ٹیم کی کارکردگی پر سابق کرکٹرز بھی مایوسی میں ڈوب گئے۔

سماجی رابطوں کی ویب سائٹ پر اپنے پیغام میں رمیز راجہ کا کہنا تھا ہے کہ پاکستان ٹیم اس سے قبل اتنی بے حوصلہ نظر نہیں آئی،غلطیوں پر غلطیاں، پھر غلطیاں، اگر ان کی نشاندہی کی جائے تو ہزار صفحات درکار ہوں گے۔

I have never seen a more subdued and off colour Pakistan team in months.. Mistakes more mistakes and same mistakes!! if its mistake manual had gone for printing it would have been a read of thousand pages!!

— Ramiz Raja (@iramizraja) September 26, 2018

شاہد آفریدی نے کہا کہ پاکستان ٹیم کی کارکردگی پر مایوسی ہوئی، تینوں شعبوں میں جارحیت کی کمی نظر آئی، گزشتہ میچز میں عمدہ پرفارمنس کی وجہ سے توقعات بڑھ گئی تھیں، کرکٹرز کو کھیل پر مزید توجہ اور پریکٹس کی ضرورت ہے۔

Congratulations Bangladesh🇧🇩Disappointed by Pakistani team’s overall performance. Lacked attacking play of cricket in all fields. Its a young side who performed well in the last tournaments&set r expectations high.More focus n practice is needed4a stronger comeback #HopeNotOut

— Shahid Afridi (@SAfridiOfficial) September 26, 2018

ثقلین مشتاق نے کہا کہ مکی آرتھر ٹیم کمبی نیشن اور پلیئنگ الیون کے حوالے سے ہی تذبذب کا شکار ہیں، کیا ہم تجربات کرتے رہیں گے، چیمپئنز ٹرافی میں اظہر علی اور محمد حفیظ موجود تھے، ان کو ون ڈے کرکٹ میں غیر موزوں قرار دیدیا گیا، اظہر علی ٹاپ آرڈر کے بہترین بیٹسمین ہیں، چیمپئنز ٹرافی کے بعد مسلسل کمزور ٹیموں کیخلاف کھیلنے کا بھی نقصان ہوا،مضبوط سائیڈز کا مقابلہ کرتے تو اچھی تیاری ہوتی۔