پی آئی اے کی کینیڈا فرار ہونے والی ایئرہوسٹس کا سراغ مل گیا

ایئرہوسٹس کے کینیڈا میں غائب ہونے پر پی آئی اے کو 8 ہزار ڈالر جرمانہ بھی ہوا، پی آئی اے ذرائع فوٹو ایکسپریس

---

ISLAMABAD: پی آئی اے کی کینیڈا فرار ہونے والی ایئر ہوسٹس فریحہ مختار کا سراغ مل گیا۔

تفصیلات کے مطابق ایئرہوسٹس فریحہ مختار پہلے سے کینیڈا میں رہائش پذیر ایئر ہوسٹس مائرہ کے پاس پہنچ گئی، مائرہ بھی دو سال قبل لاہور سے کینیڈا جا کر روپوش ہو گئی تھی۔

ذرائع کے مطابق فریحہ مختار سابق ایئر ہوسٹس مائرہ کے پاس گلنٹن میں موجود ہے، مائرہ خود گلنٹن کے ہلٹن ہوٹل میں ریسپشنسٹ کی ملازمت کرتی ہے، جبکہ مائرہ اور مڈل مین کی فریحہ کو غیر قانونی نوکری دلوانے کی بات چیت کی ریکارڈنگ بھی سامنے آگئی ہے۔

اس خبرکوبھی پڑھیں: پی آئی اے کی ایئر ہوسٹس کینیڈا میں لاپتہ

مائرہ پاکستان سے جانے والی ایئر ہوسٹسز کو مڈل مین حمزہ اور حارث کے ذریعے غیر قانونی مدد فراہم کرواتی ہے۔ دوسری جانب فریحہ مختار لاہور بیس سے تعلق رکھتی ہے مگر جس دن وہ کینیڈا فرار ہوئی اس کی ڈیوٹی کراچی سے لگوائی گی۔ کینیڈا پرواز پر فریحہ کی ڈیوٹی پیپلز یونٹی کے کچھ عہدیدار وں کی ملی بھگت سے لگوائی گئی۔

ذرائع نے بتایا کہ ایئرہوسٹس کے کینیڈا میں غائب ہونے پر پی آئی اے کو 8 ہزار ڈالر جرمانہ بھی ہو ا۔ اس حوالے سے ترجمان نے کہا ہے کہ پی آئی اے انتظامیہ اپنی کارروائی کر رہی ہے۔ غیر قانونی طریقے سے کینیڈا سلپ ہونے والی فریحہ مختار کی گرفتاری کے لئے کینیڈین پولیس سے رابطے میں ہیں۔