کراچی کے اسکول میں اندھی گولی کا نشانہ بننے والی بچی دم توڑ گئی
اقصیٰ کو اسکول کےمیدان میں نامعلوم سمت سےآنے والی گولی لگی تھی
اقصیٰ کو آج صبح سانس لینے میں دشواری کا سامنا تھا، ڈاکٹر فوٹو: فائل
سعید آباد کے اسکول میں اندھی گولی کا نشانہ بننے والی بچی اقصیٰ دم توڑ گئی۔
ایکسپریس نیوز کے مطابق کراچی میں بلدیہ ٹاؤن کے علاقے سعید آباد میں دو روز قبل اسکول میں زیر تعلیم پہلی جماعت کی بچی اقصیٰ اس وقت اندھی گولی کا شکار ہوکر شدید زخمی ہوگئی تھی جب وہ وقفے کے دوران کھیل رہی تھی۔ طالبہ کو فوری طور پہلے سول اسپتال پھر جناح اسپتال سے ملحق قومی ادارہ برائے امراضِ اطفال منتقل کیا گیا تھا۔
اقصیٰ دو روز تک زندگی کی جنگ لڑتے ہوئے دم توڑ گئی۔ ڈاکٹروں کا کہنا ہے کہ سیدھی طرف سے کمر میں لگی گولی اقصیٰ کے جسم میں موجود تھی، گولی لگنے سے اقصیٰ کے پھیپھڑے متاثر ہوئے تھے، اقصیٰ کو آج صبح سانس لینے میں دشواری کا سامنا تھا، معالجین نے اقصیٰ کی زندگی بچانے کے لیے تمام تر کوششیں کیں لیکن وہ جانبر نہ ہوسکی۔
ایکسپریس نیوز کے مطابق کراچی میں بلدیہ ٹاؤن کے علاقے سعید آباد میں دو روز قبل اسکول میں زیر تعلیم پہلی جماعت کی بچی اقصیٰ اس وقت اندھی گولی کا شکار ہوکر شدید زخمی ہوگئی تھی جب وہ وقفے کے دوران کھیل رہی تھی۔ طالبہ کو فوری طور پہلے سول اسپتال پھر جناح اسپتال سے ملحق قومی ادارہ برائے امراضِ اطفال منتقل کیا گیا تھا۔
اقصیٰ دو روز تک زندگی کی جنگ لڑتے ہوئے دم توڑ گئی۔ ڈاکٹروں کا کہنا ہے کہ سیدھی طرف سے کمر میں لگی گولی اقصیٰ کے جسم میں موجود تھی، گولی لگنے سے اقصیٰ کے پھیپھڑے متاثر ہوئے تھے، اقصیٰ کو آج صبح سانس لینے میں دشواری کا سامنا تھا، معالجین نے اقصیٰ کی زندگی بچانے کے لیے تمام تر کوششیں کیں لیکن وہ جانبر نہ ہوسکی۔