قومی کرکٹ ٹیم کو ٹیسٹ رینکنگ میں چھٹی پوزیشن پانے کا موقع مل گیا۔

پاکستان کو ٹیسٹ رینکنگ میں چھٹی پوزیشن پانے کے لئے یو اے ای میں آسٹریلیا کے خلاف 2 میچز کی سیریز میں کلین سوئپ درکار ہوگا۔

سیریز متحدہ عرب امارات میں اتوار سے شروع ہورہی ہے، اگر سیریز کا نتیجہ 1-0 سے بھی تیسرے درجے پر موجود کینگروز کے حق میں رہا تو وہ دوسری پوزیشن پر پہنچ جائیں گے۔

اس وقت ٹاپ پر بھارتی ٹیم براجمان اور اپنے ملک میں ویسٹ انڈیز کے خلاف 2 ٹیسٹ میچز کی سیریز جیت کر وہ اپنی پوزیشن کو مزید مستحکم کرسکتی ہے۔