لیویز فورس نے تحصیل نوکنڈی میں مکان پر چھاپہ مار کر 5 ملزمان کو گرفتار کرلیا۔

ایکسپریس نیوز کے مطابق بلوچستان کے ضلع چاغی کی تحصیل نوکنڈی میں لیویز فورسز نے مکان پر چھاپہ مار کر 5 ملزمان کو گرفتار کرلیا۔

چھاپے کے دوران ملزمان کے قبضے سے اسلحہ، مسروقہ گاڑیاں، موٹر سائیکلیں، موبائل فونز اور غیر ملکی کرنسی برآمد ہوئی۔ لیویز فورس نے ملزمان کو نامعلوم مقام پر منتقل کردیا ہے جہاں ان سے مزید تفتیش کی جارہی ہے۔