عراق میں ایرانی زائرین کے قافلے پر خودکش حملہ 15 افراد ہلاک 40 زخمی

خود کش بمبار نے اپنی گاڑی قافلے میں شامل ایک بس سے ٹکرا دی ،فوٹو: فائل

---

عراق میں ایرانی زائرین کے قافلے پر خود کش حملے میں 15 افراد ہلاک جب کہ 40 سے زائد زخمی ہو گئے۔

غیر ملکی خبر رساں ایجنسی کے مطابق خود کش بمبار نے اپنی گاڑی قافلے میں شامل ایک بس سے ٹکرا دی جس کے نتیجے میں 15 افراد ہلاک جب کہ 40 سے زائد زخمی ہو گئے، قافلے کو اس وقت نشانہ بنایا گیا جب وہ بغداد کے شمال مشرق میں واقع شہر مقدادیہ سے گزر رہا تھا۔ ریسکیو ٹیموں نے لاشوں اورزخمیوں کو اسپتال منتقل کردیا ہے جہاں زخمیوں کو طبی امداد فراہم کی جارہی ہے، اسپتال ذرائع کے مطابق بیشترزخمیوں کی حالت تشویشناک ہے جس کے باعث ہلاکتوں میں اضافے کا خدشہ ہے۔