عمران خان کی ناراض رہنما فوزیہ قصوری کو تحفظات دور کرانے کی یقین دہانی

تحریک انصاف کے لئے فوزیہ قصوری کی خدمات ناقابل فراموش ہیں،عمران خان

ویب ڈیسک June 08, 2013

فوزیہ قصوری جلد پارٹی میں دوبارہ ماضی کی طرح ہی فعال کردار ادا کریں گی،عمران خان فوٹو: فائل

تحریک انصاف کے سربراہ عمران خان نے پارٹی کی ناراض رہنما فوزیہ قصوری کو ان کے تحفظات دور کرانے کی یقین دہانی کرادی ہے۔

لاہور میں ملاقات کے دوران تحریک انصاف خواتین ونگ کی صدارت سے استعفیٰ دینے والی فوزیہ قصوری نے پارٹی چیرمین عمران خان کو اپنے تحفظات سے آگا ہ کیا۔ اس موقع پرعمران خان نے کہا کہ فوزیہ قصوری کی پارٹی کے لئے خدمات ناقابل فراموش ہیں، انہیں امید ہے کہ فوزیہ قصوری جلد پارٹی میں دوبارہ ماضی کی طرح ہی فعال کردار ادا کریں گی۔

عمران خان کا کہنا تھا کہ سینئیر سرکاری افسر انیتا تراب کی برطرفی کے نوٹس پر انہیں شدید دکھ پہنچا ہے، ملک میں سول سروس کو تباہ کردیا گیا ہے، تحریک انصاف کی حکومت خیبر پختونخوا میں سرکاری ملازموں کی پیشہ ورانہ اہلیت اور عظمت کو بحال کرے گی۔