شہبازشریف کے بعد اوربھی بڑی گرفتاریاں ہوں گی فواد چوہدری

ISLAMABAD:
وفاقی وزیر اطلاعات فواد چوہدری کا کہنا ہے کہ شہبازشریف کی گرفتاری خوش آئند اقدام ہے تاہم یہ پہلی گرفتاری ہے ابھی مزید گرفتاریاں ہونی ہیں۔

اسلام آباد میں میڈیا سے بات کرتے ہوئے وفاقی وزیر اطلاعات فواد چوہدری کا کہنا تھا کہ حکومت کی کرپشن کے خلاف زیروٹالرنس پالیسی ہے، شہبازشریف کی گرفتاری خوش آئند اقدام ہے، یہ پہلی گرفتاری ہے ابھی مزید گرفتاریاں ہونی ہیں۔


اس خبر کو بھی پڑھیں : آشیانہ ہاؤسنگ اسکینڈل؛ نیب نے شہباز شریف کو گرفتار کرلیا

وفاقی وزیر اطلاعات نے کہا کہ پاکستان کو لوٹنے والوں کا احتساب ہونا چاہیے اور احتساب کاعمل مزید آگے بڑھے گا، حکومت نیب کو ہروقت ہرطرح کی مدد اور تعاون کرنے کو تیار ہے۔

واضح رہے کہ نیب لاہور نے شہبازشریف کو آج طلب کررکھا تھا جہاں پیشی کے بعد نیب نے آشیانہ ہاؤسنگ اسکینڈل میں مسلم لیگ (ن) کے صدر شہبازشریف کو حراست میں لے لیا۔