اداکارہ زرین خان نے پاکستانی کرکٹر فخرزمان سے مبینہ تعلقات پر خاموشی توڑدی

زرین خان کو فخر زمان کا لُک، ہیراسٹائل اور ان کے کھیلنے کا انداز بہت پسند ہے، بھارتی میڈیا

ویب ڈیسک October 06, 2018

زرین خان نے ٹوئٹر پر اپنے اور فخر زمان کے تعلقات کی تردید کی ہے فوٹو:فائل

MIAMI: نامور بالی ووڈ اداکارہ زرین خان نے پاکستانی کرکٹر فخر زمان کے ساتھ تعلقات کی تردید کردی۔

بھارتی میڈیا میں ان دنوں اداکارہ زرین خان اور پاکستانی کرکٹر فخر زمان کے حوالے سے افواہیں گردش کررہی ہیں کہ زرین خان فخر زمان کی محبت میں مبتلا ہوگئی ہیں۔ ایک بھارتی ویب سائٹ نیوز ون انڈیا کے مطابق اداکارہ زرین خان پاکستانی کرکٹر فخر زمان کو دل دے بیٹھی ہیں۔

اس خبرکوبھی پڑھیں: پاکستانی کھلاڑیوں کی محبت میں گرفتارہونے والی 5 بھارتی حسینائیں

میڈیا رپورٹس کے مطابق زرین خان کو فخر زمان کا لُک، ہیراسٹائل اور ان کے کھیلنے کا انداز بہت پسند ہے اوریہی وجہ ہے کہ زرین خان پاکستان کے ابھرتے ہوئے کھلاڑی پر اپنا دل ہار بیٹھیں۔

دوسری جانب زرین خان نے ٹوئٹر پر بھارتی میڈیا کی اس خبر کو جھوٹی اور بکواس قرار دیتے ہوئے اپنے اور فخر زمان کے درمیان تعلقات کی تردید کردی۔